五月天以外,五月必睇演唱會!

五月除咗五月天會嚟香港開演唱會之外,其實仲有好多巨星都會嚟香港開演唱會!想喺炎熱嘅夏天用音樂洗滌心靈?立即睇睇五月有咩演唱會!

Jason Mraz – Good Vibes Tour

繼 2015 年嘅演唱會之後,Jason Mraz終於再度來港!今次以Good Vibes為主題,由馬尼拉開始喺亞洲 6 個地方巡迴演出。而 5 月 17 至 18 將會係香港會展舉行,仲想買飛快啲Click入嚟睇下

林宥嘉 – Idol 世界巡迴演唱會

林宥嘉出道 10 周年,由上年年底開始巡迴演唱會,今年嘅 5 月 24 至 26 號將會喺紅館舉行。小編有幸睇過林宥嘉嘅「The Great Yoga」,當時除咗林宥嘉嘅歌聲令人動容,演唱會嘅舞台效果亦非常之靚。由於好早已經搶晒飛,如果SiS們真係見到有人原價放,記住把握良機!

薛之謙 – 《摩天大樓》世界巡迴演唱會

薛之謙 5 月 19 日都會嚟到香港嘅亞洲國際博覽館舉行「摩天大樓」巡迴演唱!佢嘅「演員」、「你還要我怎樣」相信大家都耳熟能詳,今次佢會將 2018 年推出嘅「摩天大樓」連同其他經典歌曲帶到香港!

鄭恩地 – 暳花 HyeHwa

Apink嘅主唱鄭恩地之前去到東京舉行咗第一次嘅海外演唱會,而佢都即將於 5 月 18 日 至 19 日喺麥花臣首次開個人演唱會,相信Panda們都期待不已。

圖片來源:Jason Mraz Facebook、林宥嘉Facebook、薛之謙微博、Apink Facebook

延伸閱讀:新手五迷入場須知 – Mayday 2019 Just Rock It!!! 藍|BLUE / 人氣日劇《我要準時下班》睇盡「社畜」眾生相

Comments

Siu Pin
Siu Pin

no cat no life

©2017 SISGUIDE LIMITED